سعودی ولی عہدشہزادہ محمد بن سلمان امریکی صدر ڈونلڈ ٹرمپ سے ملاقات کیلئے وائٹ ہاؤس پہنچ گئے۔ خبر رساں ایجنسی کے وائٹ ہاؤس پہنچنے پر امریکی صدر ڈونلڈ ٹرمپ نے سعودی ولی عہد شہزادہ محمد بن سلمان کا استقبال کیا۔امریکی صدر ڈونلڈ ٹرمپ نے سعودی ولی عہد کے استقبال کے لیے وائٹ ہاؤس سے باہر آکر مصافحہ کیا اور دونوں رہنماؤں کے اطراف اعلیٰ امریکی اور سعودی حکام موجود تھے۔
اس کے بعد ٹرمپ اور سعودی ولی عہد طیاروں کی فلائی پاسٹ کے بعد اندر کی جانب روانہ ہوئے اور اب اوول آفس میں سعودی ولی عہداور امریکی صدر ملاقات کریں گے۔
سعودی ولی عہد شہزادہ محمد بن سلمان امریکی صدر ٹرمپ سے ملاقات کیلئے وائٹ ہاؤس پہنچ گئے
اعلیٰ اہلکار نے تصدیق کی ہے کہ سعودی فٹبال کلب النصر کے کپتان کرسٹیانو رونالڈو بھی وائٹ ہاؤس میں موجود ہیں۔
امریکی حکام کا کہنا ہے کہ ٹرمپ اور سعودی ولی عہد کی ملاقات میں امریکا اور سعودی عرب دفاعی تعاون بڑھانے کے لیے دفاعی خریداری معاہدے، امریکی مصنوعی ذہانت انفرا اسٹرکچر میں سعودی سرمایہ کاری، امریکا سعودی سول نیوکلیئر انرجی تعاون بڑھانے کے معاہدے سمیت متعدد معاہدوں کی توقع ہے۔
امریکی حکام کے مطابق معاہدے سعودی عرب کے امریکا میں 600 ارب ڈالر سرمایاکاری وعدے کے تحت کیے جائیں گے۔
امریکی صدر ٹرمپ سعودی عرب کو ایف 35لڑاکا طیارےفروخت کرنےکاکہہ چکے ہیں۔
دوسری جانب سعودی عرب امریکا سے باضابطہ سکیورٹی ضمانت چاہتا ہے۔ امریکی صدر مئی میں دورہ سعودی عرب کے دوران کیےگئے 600 ارب ڈالر کے سعودی سرمایہ کاری کے وعدے پورا کرنے کی کوشش میں ہیں۔
واضح رہے کہ سعودی ولی عہد کا یہ 2018 میں صحافی جمال خاشقجی کے قتل کے بعد امریکا کا پہلا دورہ ہے۔
