امریکا سے یوکرین کو کلسٹر بم ملنے کے معاملے پر روسی صدر ولادیمیر پیوٹن نے اپنے رد عمل کا اظہار کرتے ہوئے کہا ہے کہ ہمارے خلاف کلسٹر ہتھیار استعمال ہوئے تو ہمیں بھی جوابی کارروائی کا حق حاصل ہے۔
عالمی میڈیا رپورٹس کے مطابق روس کے صدر ولادیمیر پیوٹن کا کہنا ہے کہ روس کے پاس بھی کافی کلسٹر بم ہیں، جو ضرورت پڑنے پر استعمال کریں گے۔
ان کا یہ بھی کہنا ہے کہ اگر ہمارے خلاف کلسٹر ہتھیار استعمال ہوئے تو ہمیں بھی جوابی کارروائی کا حق حاصل ہے۔
غیر ملکی خبر ایجنسی کے مطابق روس کی جارحیت کے خلاف امریکا نے یوکرین کو کلسٹر ہتھیار فراہم کیے ہیں۔
غیر ملکی خبر ایجنسی کا یہ بھی کہنا ہے کہ تباہی اور ہولناکی کے سبب 100 سے زائد ممالک میں کلسٹر ہتھیاروں پر پابندی عائد ہے۔
