پاکستان کا پہلا ہائپر اسپیکٹرل سیٹلائٹ خلا میں روانہ کر دیا گیا۔ ہائپر اسپیکٹرل سیٹلائٹ چین سے خلا میں بھیجا گیا، اور سپارکو کے دفتر میں سیٹلائٹ کی روانگی کے مناظر دکھائے گئے۔
سپارکو کے ترجمان کے مطابق یہ سیٹلائٹ سیلاب، لینڈسلائیڈز اور دیگر قدرتی آفات کی پیش گوئی میں مدد فراہم کرے گا اور ماحولیاتی تبدیلیوں اور ارضیاتی خطرات کی بروقت نگرانی میں معاون ثابت ہوگا۔
ترجمان نے بتایا کہ پاکستان کا یہ مشن قومی خلائی پالیسی اور وژن دو ہزار ستاون کا ایک اہم سنگِ میل ہے، اور یہ سیٹلائٹ انفراسٹرکچر میپنگ اور شہری منصوبہ بندی کے لیے نئی راہیں کھولے گا۔
ترجمان کے مطابق رواں سال خلا میں بھیجا جانے والا یہ پاکستان کا تیسرا سیٹلائٹ ہے؛ اس سے قبل دو سیٹلائٹس کامیابی سے خلا میں بھیجے جا چکے ہیں اور دونوں اس وقت مکمل طور پر فعال ہیں۔
ترجمان اسپارکو کے مطابق پاکستان کا خلائی پروگرام جدید ٹیکنالوجی اور ایپلی کیشنز کےنئےدور میں داخل ہورہاہے۔
