امریکی چپ ساز کمپنی انٹیل کو جاپانی ٹیکنالوجی کمپنی سوفٹ بینک گروپ کی جانب سے 2 ارب ڈالر کی سرمایہ کاری ملی ہے۔
جو کمپنی کی بحالی کی کوششوں میں ایک بڑا اعتماد کا اظہار ہے۔
یہ سرمایہ کاری سوفٹ بینک کو انٹیل کا چھٹا بڑا حصص دار بنا دے گی اور اس کا حصہ تقریباً 2 فیصد ہوگا۔
انٹیل کئی سالوں سے انتظامیہ کی غلطیوں اور مصنوعی ذہانت کے چپ کے شعبے میں پیچھے رہ جانے کی وجہ سے مشکلات کا شکار ہے۔
سوفٹ بینک کی یہ سرمایہ کاری انٹیل کے امریکی سیمی کنڈکٹر پیداوار میں اہم کردار کو بڑھانے کی حکمت عملی کا حصہ ہے۔
سوفٹ بینک کے چیف ایگزیکٹو آفیسر ماسایوشی سون کا کہنا ہے کہ اس سرمایہ کاری سے امریکہ میں اعلیٰ درجے کی سیمی کنڈکٹر صنعت کو فروغ ملے گا۔
یہ سرمایہ کاری ایسے وقت میں آئی ہے جب امریکی حکومت بھی انٹیل میں حصہ لینے کے لیے بات چیت کر رہی ہے۔
سوفٹ بینک کی جانب سے یہ سرمایہ کاری کمپنی کے حصص کی قیمت سے تھوڑی کم قیمت پر کی گئی ہے۔
سرمایہ کاری کے اعلان کے بعد سوفٹ بینک کے حصص میں کمی آئی جبکہ انٹیل کے حصص میں اضافہ دیکھا گیا۔
انٹیل کو حالیہ برسوں میں مالی مسائل کا سامنا رہا ہے اور 2024 میں اس نے 18.8 ارب ڈالر کا سالانہ نقصان بھی ریکارڈ کیا، جو 1986 کے بعد پہلی بار ہوا ہے۔
کمپنی کی بڑی حریف" اے ایم ڈی" نے ذاتی کمپیوٹر اور سرور مارکیٹ میں اس کا حصہ کم کر لیا ہے۔
اس کے علاوہ انٹیل کا چپ ٹھیکیداری کا کاروبار، جس کا مقصد تائیوان کی کمپنی" ٹی ایس ایم سی" سے مقابلہ کرنا تھا، کامیاب نہیں ہو پایا۔
سوفٹ بینک کی جانب سے انٹیل میں سرمایہ کاری، جاپانی کمپنی کے 2025 کے بڑے سرمایہ کاری منصوبوں کا حصہ ہے۔
جن میں 30 ارب ڈالر کی سرمایہ کاری"اوپن اے" آئیمیں اور "اسٹارگیٹ" ڈیٹا مرکز منصوبے کی مالی معاونت شامل ہے۔
اس کے علاوہ تائیوان کی فوکسکان کمپنی بھی اس منصوبے کے تحت اوہائیو میں ڈیٹا مرکز کا سامان تیار کرنے کا ارادہ رکھتی ہے۔
