محمد عامر بہت اچھا کھلاڑی ہے، فیصلے سے افسوس ہوا: احسان مانی

 محمد عامر بہت اچھا کھلاڑی ہے، فیصلے سے افسوس ہوا: احسان مانی فائل فوٹو محمد عامر بہت اچھا کھلاڑی ہے، فیصلے سے افسوس ہوا: احسان مانی

چیئرمین پاکستان کرکٹ بورڈ احسان مانی کا کہنا ہے کہ محمد عامر کے کرکٹ چھوڑنے کے فیصلے سے افسوس ہوا۔

احسان مانی کا کہنا ہے کہ محمد عامر بہت اچھا کھلاڑی ہے لیکن اس نے خود فیصلہ کیا کہ وہ نہیں کھیلنا چاہتا جو کہ افسوس کی بات ہے۔
انہوں نے کہا کہ محمد عامر کی وجہ سے بھی میڈیا پر بہت کچھ ہوا، وہ ابھی نوجوان ہے جب اس پر پابندی تھی تو پاکستان کرکٹ نے اس کا ساتھ دیا اور جب وہ کھیل میں واپس آئے تو اس وقت بھی اسے بہت سپورٹ کیا۔

احسان مانی نے کہا کہ عامر اب نہ کھیلنے کا فیصلہ کر چکے ہیں تو میری نیک خواہشات ان کے ساتھ ہیں کہ ان کے لیے مستقبل میں بہتری ہو۔

خیال رہے کہ چند ہفتے قبل محمد عامر نے قومی ٹیم کے بولنگ کوچ وقار یونس کے بیانات سے دلبرداشتہ ہو کر پاکستان کرکٹ چھوڑنے کا فیصلہ کیا تھا۔

subscribe YT Channel install suchtv android app on google app store