انڈونیشیا کے فاسٹ باؤلر گیدے پریاندانا نے کرکٹ کی تاریخ میں نیا ریکارڈ قائم کر دیا۔
گیدے پریاندانا ٹی 20 انٹرنیشنل کرکٹ میں ایک اوور میں 5 وکٹیں لینے والے پہلے کھلاڑی بن گئے۔ یہ تاریخی کارنامہ انہوں نے کمبوڈیا کے خلاف پہلے ٹی 20 انٹرنیشنل میں انجام دیا۔
28 سالہ دائیں ہاتھ کے فاسٹ باؤلر نے کمبوڈیا کیخلاف شاندار بولنگ کا مظاہرہ کرتے ہوئے مڈل اور لوئر آرڈر کو تہس نہس کر دیا۔
ایشز سیریز کا باکسنگ ڈے ٹیسٹ ، آسٹریلیا کے اسکواڈ سے 2 اہم کھلاڑی باہر
انہوں نے اوور کی پہلی 3 گیندوں پر مسلسل 3 وکٹیں لے کر شاندار ہیٹ ٹرک مکمل کی، ایک ڈاٹ بال کے بعد انہوں نے مونگ دارا سوک اور پیل وینک کو بھی آؤٹ کیا۔
اس میچ میں انڈونیشیا نے پہلے کھیلتے ہوئے 167 رنز بنائے تھے ، کمبوڈیا کی ٹیم 107 رنز پر ڈھیر ہو گئی۔واضح رہے ڈومیسٹک مردوں کی ٹی20 کرکٹ میں ایک اوور میں 5 وکٹیں لینے کا کارنامہ اس سے قبل 2 مرتبہ انجام دیا جا چکا ہے، تاہم بین الاقوامی سطح پر یہ اعزاز پہلی بار گیدے پریاندانا کے نام ہوا ہے۔
