ہیڈ کوچ مائیک ہیسن کے نیوزی لینڈ روانہ ہونے کے بعد پاکستان وائٹ بال کرکٹ ٹیم کا غیر ملکی سپورٹ اسٹاف بھی چھٹیوں پر چلا گیا ہے۔ ذرائع کے مطابق چھٹیوں پر جانے والے اسٹاف میں بولنگ کوچ ایشلے نوفکے، فیلڈنگ کوچ شین میکڈرمٹ، فزیو کلف ڈیکن اور اسٹرنتھ اینڈ کنڈیشنگ کوچ گرانٹ لوڈن شامل ہیں۔
یہ تمام اراکین اپنے وطن میں فیملی کے ساتھ کرسمس اور نیو ایئر منائیں گے اور تعطیلات مکمل ہونے کے بعد دوبارہ ٹیم کے ساتھ جوائن کریں گے۔
ذرائع کا کہنا ہے کہ اسٹاف کی چھٹیاں ٹیم کی مصروفیات نہ ہونے کی وجہ سے ممکن ہو سکیں، جبکہ پاکستان ٹی ٹوئنٹی اسکواڈ جنوری کے پہلے ہفتے میں سری لنکا کا دورہ کرے گا۔
واضح رہے کہ ہیڈ کوچ مائیک ہیسن ٹرائی سیریز کے فائنل کے بعد نیوزی لینڈ روانہ ہو چکے ہیں۔
