پاکستان کرکٹ بورڈ کے چیئرمین محسن نقوی نے سابق لیجنڈ حنیف محمد کو خراج عقیدت پیش کرتے ہوئے کہا کہ وہ نہ صرف ایک عظیم بیٹسمین تھے بلکہ اعلیٰ کردار کے حامل بھی تھے۔
انہوں نے کہا کہ حنیف محمد مرحوم کی کرکٹ کیلئے شاندار خدمات پر انہیں خراج عقیدت پیش کرتا ہوں ۔
حنیف محمد کی ٹرپل سنچری کا ریکارڈ آج بھی شائقین کرکٹ نہیں بھولے۔
محسن نقوی نے کہا کہ حنیف محمد کی عمدہ بلے بازی کا ہر کوئی مداح تھا،کرکٹ آج بھی اس عظیم بیٹسمین کو نہیں بھولی اور نہ بھول سکے گی۔
حنیف محمد نے کرکٹ کے کھیل میں پاکستان کا نام روشن کیا،حنیف محمد جیسے بلے باز ایک عرصے کے بعد پیدا ہوتے ہیں۔
پاکستان کرکٹ بورڈ اپنے ہیروز کی خدمات کا برملا اعتراف کرتا ہے ۔
پاکستان کرکٹ کے لئے حنیف محمد کی بے مثال خدمات کو ہمیشہ یاد رکھا جائے گا۔
