عوام لاک ڈاؤن پر سختی سے عمل کریں، چیئرمین پاکستان پیپلز پارٹی کی اپیل

عوام لاک ڈاؤن پر سختی سے عمل کریں،  چیئرمین پاکستان پیپلز پارٹی کی اپیل فائل فوٹو عوام لاک ڈاؤن پر سختی سے عمل کریں، چیئرمین پاکستان پیپلز پارٹی کی اپیل

چیئرمین پاکستان پیپلزپارٹی بلاول بھٹو زرداری کا کہنا ہے کہ جیسےدہشت گردی کا مقابلہ کیا ویسے ہی کرونا کا مقابلہ کرنا ہوگا۔

تفصیلات کے مطابق پیپلزپارٹی کے سربراہ بلاول بھٹو زرداری نے کہا کہ سندھ کے عوام لاک ڈاؤن پر سختی سے عمل کریں،عوام سے اپیل ہےگھروں سے باہر نہ نکلیں۔

بلاول بھٹو کا کہنا تھا کہ لاک ڈاؤن کریں گے تو چند دن کی پریشانی ہوگی،لاک ڈاؤن نہ کیا تو کئی مہینے پریشان ہونا پڑےگا،ہمیں کرونا کے پھیلاؤ کو روکنا ہے، اس بیماری کی کوئی ویکسین نہیں ہے۔

چیئرمین پیپلزپارٹی نے کہا کہ وفاقی حکومت سے اپیل ہے جلد سخت فیصلے لیں، وفاق جلدی فیصلے کرے تاکہ ہم کرونا کامقابلہ کرسکیں، جیسے دہشت گردی کا مقابلہ کیا ویسے ہی کرونا کا مقابلہ کرنا ہوگا۔

دوسری جانب محکمہ داخلہ سندھ نے صوبے بھر میں لاک ڈاؤن سے متعلق نوٹیفکیشن جاری کردیا، سرکاری احکامات کی خلاف ورزی قابل سزا جرم ہوگا۔

محکمہ داخلہ سندھ کی جانب سے جاری نوٹیفکیشن میں کہا گیا ہے کہ اندرون وبیرون شہر لوگوں کی نقل وحرکت پر پابندی عائد ہوگی۔محکمہ داخلہ سندھ نے وبائی امراض ایکٹ کے تحت 15 دن کے لیے پابندیاں عائد کی ہیں۔

واضح رہے کہ کرونا وائرس کے پیش نظر کراچی اور اندرون سندھ میں رینجرز کی اضافی نفری تعینات کر دی گئی ہے۔

install suchtv android app on google app store