سیکڑوں کنال اراضی کی غیر قانونی فروخت, سیالکوٹ انتظامیہ نے نوٹس لے لیا

اراضی فائل فوٹو اراضی

سیکڑوں کینال اراضی کی غیر قانونی فروخت کے انکشاف پر سیالکوٹ انتظامیہ نے نوٹس لے لیا، الرحمان گارڈن کے نام سے بغیر این او سی75فیصد اراضی کی فروخت کی گئی۔

سیالکوٹ میں انتظامیہ کی ملی بھگت سے بغیر تصدیق شدہ ہاؤسنگ سوسائٹی کی تشہیر کا انکشاف ہوا ہے، الرحمان گارڈن کے نام سے بغیراین اوسی75فیصد اراضی کی فروخت کی گئی۔

اس حوالے سے سی ای او ضلع کونسل عنصر ساہی نے بتایا کہ الرحمان گارڈن کے نام سے کوئی ہاؤسنگ سوسائٹی رجسٹرڈ نہیں ہے۔ مذکورہ ہاؤسنگ اسکیم سیالکوٹ ہیون کے نام سے اپلائی کی گئی۔

سی ای او ضلع کونسل کا کہنا ہے کہ200کینال اراضی کیلئے این او سی کی درخواست دی گئی، کسی بھی ادارے کیلئے حکومتی اجازت کے بغیر تشہیر اور فروخت غیر قانونی عمل ہے۔

سی ای او عنصر ساہی کا کہنا ہے کہ الرحمان گارڈن کے نام سے ہاؤسنگ سوسائٹی کو نوٹس جاری کردیا گیا ہے۔ یہ نوٹس قانون کی خلاف ورزی پر جاری کیا گیا ہے۔

subscribe YT Channel install suchtv android app on google app store