لندن کے میئر صادق خان نے دورہ پاکستان کے دوران پہلے مرحلے پر وزیراعلیٰ پنجاب شہباز شریف سے ملاقات کی جس میں دونوں کے درمیان باہمی دلچسپی کے امور سمیت مختلف معاملات پر تبادلہ خیال کیا گیا۔
میئر لندن بھارت میں موجود تھے جہاں سے وہ بذریعہ واہگہ بارڈر پاکستان پہنچے جب کہ میئر لاہور کرنل ریٹائرڈ مبشر اور اعلیٰ سرکاری حکام نے ان کا استقبال کیا۔
میئر لندن صادق خان اور ان کے وفد کو حکام کی جانب سے صدارتی سیکیورٹی دی گئی جس کے بعد وہ وزیراعلیٰ ہاؤس پہنچے جہاں شہبازشریف نے ان کا استقبال کیا۔
صادق خان کے اعزاز میں وزیراعلیٰ پنجاب کی جانب سے ظہرانہ بھی دیا گیا۔
We welcome Mayor @SadiqKhan from the historic city of London to the historic city of Lahore ...
— Shehbaz Sharif (@CMShehbaz) December 6, 2017
شہبازشریف اور میئر لندن کے درمیان ملاقات کے میں دوطرفہ تعاون بڑھانے سمیت باہمی دلچسپی کے امور پر تبادلہ خیال کیا گیا۔
اس موقع پر صادق خان کا کہنا تھا کہ ’میئر لندن بننے کے بعد میرا یہ پاکستان کا پہلا دورہ ہے، پرتپاک استقبال کرنے پر وزیر اعلیٰ پنجاب شہبازشریف کے مشکور ہیں‘۔
It was a pleasure to host Mayor of London @SadiqKhan (who speaks Urdu really well) & his delegation in Lahore. Had a thorough discussion on promoting trade and investment between our two countries. The UK-Pakistan partnership continues to deepen with passage of time. pic.twitter.com/y9hRGrwkK2
— Shehbaz Sharif (@CMShehbaz) December 6, 2017
میئر لندن نے کہا کہ لندن ایک عظیم شہرہے جسے یہ مقام دینے میں پاکستانیوں کا بڑا حصہ ہے، لندن میں موجود بہت سے سائنسدانوں، اساتذہ اور بزنس مین کا تعلق پاکستان سےہے‘۔
