الیکشن کمیشن آف پاکستان نے پنجاب میں ضمنی انتخابات کے لیے نیا شیڈول جاری کر دیا۔ ترجمان الیکشن کمشنر پنجاب کے مطابق، الیکشن ایکٹ 2017 کے تحت فیصل آباد اور ساہیوال کے پانچ حلقوں این اے 96، این اے 104، این اے 143، پی پی 98 اور پی پی 203 میں ضمنی انتخابات منعقد ہوں گے۔
ترجمان کا کہنا تھا کہ ریٹرننگ آفیسرز کے فیصلوں کے خلاف اپیلیں 24 اکتوبر تک دائر کی جا سکیں گی، جن پر اپیلٹ ٹربیونل 31 اکتوبر تک فیصلے سنائے گا۔
امیدواروں کی نظرثانی شدہ فہرست یکم نومبر کو جاری کی جائے گی، جبکہ دستبرداری کی آخری تاریخ 3 نومبر مقرر کی گئی ہے۔
الیکشن کمیشن کے مطابق، انتخابی نشانات 4 نومبر کو الاٹ کیے جائیں گے، اور ضمنی انتخابات میں پولنگ 23 نومبر 2025 کو ہو گی۔
