الیکشن سے چند گھنٹے پہلے گلوکار ابرار الحق کا الیکشن سے دستبردار ہونے کا اعلان

سماجی رابطے کی ویب سائٹ ایکس (سابق ٹوئٹر) پر جاری کیے گئے بیان میں ابرار الحق نے کہا کہ “میں الیکشن نہیں لڑ رہا ہوں، میں اپنے کاغذات بروقت واپس نہیں لے سکا”۔

I am not contesting election 2024. I couldn’t withdraw my documents in time therefore I thought it is appropriate to give a public message as even a single vote counts . May Allah swt bless Pakistan and Pakistanis.

— Abrar Ul Haq (@AbrarUlHaqPK) February 6, 2024

ابرار الحق نے کہا کہ “میرے لیے زیادہ ضروری تھا کہ میں ایک سنگل ووٹ کی اہمیت کا پیغام آپ تک پہنچا سکوں، اللہ تعالیٰ پاکستان اور پاکستانیوں کا حامی و ناصر ہو”۔

سوشل میڈیا پر خبریں زیرِ گردش تھیں کہ ابرار الحق بھی اس بار الیکشن میں حصہ لے رہے ہیں، جس کے بعد گلوکار نے یہ وضاحتی بیان جاری کیا۔

یاد رہے کہ سال 2023 میں 9 مئی کے پُرتشدد واقعات کے بعد گلوکار ابرار الحق نے پاکستان تحریکِ انصاف (پی ٹی آئی) سے لاتعلقی کا اعلان کردیا تھا۔

واضح رہے کہ 8 فروری جمعرات کے روز ملک بھر میں عام انتخابات کا اعلان کیا گیا ہے، ووٹ ڈالنے کے لیے رائے دہندگان کو صبح 8 بجے سے لے کر شام 6 بجے تک کا وقت دیا گیا ہے۔