لاہور ہائی کورٹ کا ڈاکٹر یاسمین راشد کو فوری رہا کرنے کا حکم

ڈاکٹر یاسمین راشد فائل فوٹو ڈاکٹر یاسمین راشد

لاہورہائیکورٹ نے رہنما پاکستان تحریک انصاف ڈاکٹر یاسمین راشد کی نظربندی کا نوٹیفکیشن معطل کرتے ہوئے فوری رہائی کا حکم دے دیا۔

لاہور ہائیکورٹ نے پی ٹی آئی کی 17 خواتین کارکنان کی نظربندی کیخلاف درخواستوں پر فیصلہ سنایا اور تمام کارکنان کی نظربندی کے نوٹیفکیشن کو معطل کردیا۔

عدالت نے پی ٹی آئی کی سابق وزیر یاسمین راشد کی نظربندی کا نوٹیفکیشن بھی معطل کرتے ہوئے حکم دیا کہ ڈاکٹر یاسمین راشد کسی مقدمے میں مطلوب نہیں تو انہیں رہا کیا جائے۔

لاہور ہائیکورٹ کے جسٹس صفدر سلیم شاہد نے درخواستوں پر فیصلہ جاری کرتے ہوئے تمام خواتین کی فوری رہائی کا حکم دیا۔

install suchtv android app on google app store