وزیراعلیٰ علی امین گنڈا پور کی کوششیں رنگ لے آئیں، خیبرپختونخوا میں پی ٹی آئی کے پانچ امیدواروں میں سے چار امیدوار سینیٹ الیکشن سے دستبردار ہوگئے۔ خرم ذیشان نے دستبردار ہونے سے انکار کر دیا جبکہ انہیں منانے کی کوششیں جاری ہیں۔
وقاص اورکزئی اور ارشاد حسین کا سینیٹ الیکشن سے دستبردار ہونے کا اعلان کر دیا۔
عرفان سلیم اورعائشہ بانو نے بھی کاغذات نامزدگی واپس لینے کا فیصلہ کر لیا۔
عرفان سلیم نے ویڈیو پیغام میں کہا ہمیں بانی پی ٹی آئی کا ہر فیصلہ منظور ہے۔
عائشہ بانو کا کہنا تھا بانی پی ٹی آئی کے حکم پر ہمیشہ لبیک کہا، ارشاد حسین بولے پارٹی فیصلے کو ذاتی مفاد پر ترجیح دی۔
وقاص اورکزئی نے کہا سیٹ وقتی، نظریہ ہمیشہ قائم رہتا ہے اور ہم نظریے کے ساتھ ہیں۔
