پاکستان میں 2291 افراد کورونا وائرس سے متاثر،107 مریض صحتیاب ہو گئے

اپ ڈیٹ:12 PM , اپریل 2, 2020
اپریل 1, 2020
ویب ڈیسک

فائل فوٹو پاکستان میں 2291 افراد کورونا وائرس سے متاثر،107 مریض صحتیاب ہو گئے

پاکستان بھر میں کورونا وائرس سے آج مزید 3 افراد جاں بحق ہوگئے جس کے بعد ہلاکتوں کی تعداد 31 ہوگئی جب کہ مزید کیسز سامنے آنے کے بعد کیسز کی مجموعی تعداد 2291 تک جا پہنچی ہے۔

پاکستان میں اب تک کورونا وائرس سے ہونے والی ہلاکتوں میں سے پنجاب میں 11، سندھ 9، خیبرپختونخوا 8، گلگت بلتستان 2 اور بلوچستان میں ایک ہلاکت ہوئی ہے۔

پنجاب

پنجاب میں مزید 57 کیسز کی تصدیق ہوئی جس کے بعد صوبے میں متاثرہ مریضوں کی تعداد 746 ہوگئی ہے۔

پنجاب میں اب تک کورونا سے 9 ہلاکتیں ہوئی ہیں جن میں سے لاہور میں 4، راولپنڈی 3 جب کہ رحیم یار خان اور فیصل آباد میں ایک ایک ہلاکت ہوئی ہے۔

خیال رہے کہ صوبے میں اب تک 5 افراد صحتیاب بھی ہوچکے ہیں۔

سندھ

صوبائی محکمہ صحت کی سمری کے مطابق صوبے میں کیسز کی مجموعی تعداد 709 ہوگئی ہے جن میں سے کراچی سے کوئی نیا کیس سامنے نہیں آیا۔

محکمہ صحت کے مطابق کراچی میں کیسز کی تعداد 274 اور حیدرآباد میں 131 ہے جب کہ دادو اور جیکب آباد میں ایک ایک کیس ہے۔

سندھ میں کرونا وائرس سے متاثرہ 10مریض صحت یاب ہوگئے

ترجمان سندھ حکومت مرتضیٰ وہاب نے سماجی رابطے کی ویب سائٹ ٹویٹر پر اپنے پیغام میں کہا کہ سندھ میں کرونا وائرس سے متاثرہ 10مریض صحت یاب ہوگئے۔

ترجمان نے بتایا کہ سندھ میں کرونا وائرس سے صحت یاب ہونے والے افراد کی تعداد 51 ہوگئی ہے۔

ترجمان سندھ حکومت کہنا تھا کہ لوگوں کو سیکھنا چاہیے آئسولیشن یا معاشرتی دوری ہی کورونا کا علاج ہے۔

خیبرپختونخوا

سرکاری پورٹل کے اعداد و شمار کے مطابق خیبر پختونخواہ میں کیسز کی تعداد 253 ہوگئی ہے۔

بلوچستان

بلوچستان میں آج کورونا وائرس کے مزید کیسز رپورٹ ہوئے ہیں جس کی تصدیق صوبائی ترجمان لیاقت شاہوانی نے کی۔

CONGR
It's encouraging 2 know tht not only patients getting admitted in Hospitals but also recovering rapidly

Today in Balochistan 17patients recovered in one day including 2 previous,it stands19 out of 158 patients
Every recovery is our shared success story dear @murtazawahab1 https://t.co/O8zsRmYNSK
— Liaquat Shahwani (@LiaquatShahwani) March 31, 2020