وزیر ریلوے شیخ رشید نے کہا ہے کہ فواد چوہدری کا صحافی کو تھپڑ مارنا زیادتی ہے۔
لاہور میں پریس کانفرنس کے دوران شیخ رشید نے کہا کہ عمران خان کےلئے ایک سال امتحان ہے، اپنے گندے کپڑے میڈیا کے سامنے نہیں دھوتا، آخری سانس تک کابینہ میں غریب کی آواز اٹھاتا رہوں گا۔ فواد چوہدری کا صحافی کو تھپڑ مارنا زیادتی ہے۔
وفاقی وزیر کا کہنا تھا کہ ملک میں صدارتی نظام کی کوئی گنجائش نہیں ہے، نواز شریف اور آصف زرداری کی حکومت نہیں آسکتی، بلاول کو سب سے پہلے اپنے باپ اور پھوپھی کیخلاف تحریک چلانی چاہیے، جس دن بلاول اپنے باپ اور فریال تالپور کے خلاف تحریک چلائے گا اس دن اس کی سیاست میں گنجائش پیدا ہو سکتی ہے۔
شیخ رشید نے کہا کہ شہباز شریف نے نواز شریف کو نکلوانے کی پوری کوشش کی، شہبازشریف نے پہلے بھی نواز شریف کو نکالا تھا، اب پارٹی کی صورتحال مختلف ہے، 20 سے 25 ارکان اسمبلی تو حتمی ریفرنس میں ہیں، اللہ سب کو انصاف دے۔ شہباز شریف اور فریال تالپور کو ڈھیل حاصل ہے، ڈیل نہیں ہوسکتی۔
