جسٹس چوہدری اقبال نے 27 ویں ترمیم کے خلاف درخواست کی سماعت سے معذرت کر لی

درخواست میں وزیراعظم اور قومی اسمبلی کے اسپیکر کو سیکرٹریز کے ذریعے فریق بنایا گیا ہے۔

درخواست گزار کا مؤقف ہے کہ ترمیم کے ذریعے سپریم کورٹ کا اصل اختیار ختم کر کے وفاقی آئینی عدالت قائم کی گئی ہے، جس سے اعلیٰ عدلیہ کی آزادی اور حیثیت متاثر ہو سکتی ہے۔

مزید کہا گیا ہے کہ ترمیم اسلامی دفعات، عدالتی خودمختاری اور بنیادی حقوق کے منافی ہے، اور صوبوں کی مشاورت کے بغیر اس پر عمل درآمد آئینی ڈھانچے کو نقصان پہنچا سکتا ہے۔ وکلا، سول سوسائٹی، صحافیوں اور دیگر متعلقہ طبقات سے بھی کوئی رائے نہیں لی گئی۔

درخواست گزار نے عدالت سے استدعا کی ہے کہ ستائیسویں آئینی ترمیم کو کالعدم قرار دیا جائے اور حتمی فیصلے تک اس ترمیم پر عملدرآمد روک دیا جائے۔