وزیراعظم شہباز شریف کی امیر قطر سے ملاقات، حمایت اور یکجہتی کا اعادہ

وزیراعظم نے قطر کی جانب سے ہنگامی سمٹ بلانے کے فیصلے کو سراہا، جبکہ امیر قطر نے اجلاس میں وزیراعظم پاکستان کی شرکت پر شکریہ ادا کیا۔

اعلامیے میں کہا گیا کہ دونوں رہنماؤں نے خطے کی موجودہ صورتحال پر قریبی رابطے اور باہمی تعاون جاری رکھنے پر اتفاق کیا۔

اس موقع پر وزیراعظم شہباز شریف نے کہا کہ پاکستان مشکل وقت میں قطر کے ساتھ کھڑا ہے، پاکستان اور قطر کے برادرانہ تعلقات مزید مضبوط ہوں گے۔

شہباز شریف نے مزید کہا کہ مشرق وسطیٰ میں اسرائیلی جارحیت فوری روکی جائے، مسلم امہ کے اتحاد کی آج پہلے سے زیادہ ضرورت ہے۔