وزیرِ اعظم شہباز شریف سے کرغیزستان کابینہ کے ڈپٹی چیئرمین عادل بیسالوف کی قیادت میں وفد نے ملاقات کی۔ وزیراعظم شہباز شریف نے پاکستان اور کرغزستان تعاون میں پیشرفت پر اطمینان کا اظہار کیا۔ وزیر اعظم نے وفد کا خیر مقدم کیا اور آئی جی سی کے پانچویں اجلاس کے کامیاب انعقاد پر اطمینان کا اظہار کیا۔
اور دونوں ممالک کے مابین پروٹوکول اور ایم او یوز پر دستخط کو سراہا۔
وزیر اعظم نے آئی جی سی کے دوران کیے گئے فیصلوں پر عمل درآمد کے لیے پاکستان کے مضبوط عزم کا اعادہ کیا اور معاہدوں کو ٹھوس نتائج میں تبدیل کرنے کے لیے انکی مؤثر و بروقت پیروری کی اہمیت پر زور دیا۔
عزت مآب عادل بیسالوف نے دونوں ممالک کے مابین قریبی دوطرفہ تعلقات کو فروغ دینے کیلئے حکومت پاکستان کی کوششوں کو سراہا۔
وفد پاکستان کرغزستان مشترکہ بین الحکومتی کمیشن کے پانچویں اجلاس میں شرکت کے لیے پاکستان کا دورہ کر رہا ہے۔
