وفاقی وزیر احسن اقبال نے کہاہے کہ بانی پی ٹی آئی سیاسی قیدی نہیں، سزا یافتہ قیدی ہیں۔ پی ٹی آئی کارکن جیل جا کر اپنے لیڈر سے پوچھیں کہ چوروں اور ڈاکووں کے خلاف بھاشن دیتے تھے خود کے کام دیکھے ہیں؟ وفاقی وزیر نے کہا کہ بانی پی ٹی آئی کو ثبوت دینے ہیں کہ انہوں نے کچھ نہیں کیا۔
پی ٹی آئی نے غیر ملکی فنڈنگ لی، جس کے کیس میں انہوں نے تاخیری حربے استعمال کیے۔
مظاہرین نے پولیس پر فائرنگ کی، آنسو گیس کے شیل پھینکے، آر پی او راولپنڈی
احسن اقبال نے کہا کہ شر پسندوں نے شہداء کی یادگاروں کو نقصان پہنچایا، احتجاج کے نام پر جو کچھ اسلام آباد میں کیا گیا کوئی مہذب معاشرہ ان واقعات کو برداشت نہیں کر سکتا۔
وفاقی وزیر نے یہ بھی کہا کہ پی ٹی آئی دعویٰ کر رہی تھی کہ بانیٔ پی ٹی آئی کی رہائی تک احتجاج ختم نہیں کیا جائے گا۔
انہوں نے مزید کہا جس طرح بھارت کو جنگ کے میدان میں شکست دی، ایسے ہی معاشی میدان میں بھی شکست دیں گے۔
