سینئر وزیر شرجیل انعام میمن نے سابق صوبائی وزیر اور سابق رکن قومی اسمبلی عبدالستار بچانی کے انتقال پر تعزیت کا اظہار کیا ہے۔ سینئر وزیر شرجیل انعام میمن نے سابق صوبائی وزیر اور سابق رکن قومی اسمبلی عبدالستار بچانی کے انتقال پر گہرے دکھ اور افسوس کا اظہار کیا۔
شرجیل میمن کا تعزیتی پیغام میں کہنا تھا کہ دکھ کی اس گھڑی میں مرحوم عبدالستار بچانی کے اہل خانہ کے ساتھ ہیں۔
عبدالستار بچانی مرحوم ایک بااصول، ملنسار اور عوام دوست شخصیت کے حامل تھے، جنہوں نے اپنی زندگی عوام کی خدمت اور جمہوریت کے فروغ کے لیے وقف کی۔
جمہوریت اور عوام کے لئے ان کی سیاسی جدوجہد اور خدمات کو ہمیشہ یاد رکھا جائے گا۔
اللہ تعالیٰ مرحوم کو بلند درجات او اہل خانہ، عزیز و اقارب اور چاہنے والوں کو یہ صدمہ برداشت کرنے کی توفیق عطا فرمائے۔
