پنجاب اور خیبر پختونخواہ اسمبلیاں کب تحلیل کریں گے؟ فواد چوہدری کا اہم بیان سامنے آ گیا

پاکستان تحریک انصاف کے مرکزی رہنما فواد چوہدری فائل فوٹو پاکستان تحریک انصاف کے مرکزی رہنما فواد چوہدری

پاکستان تحریک انصاف کے مرکزی رہنما فواد چوہدری نے کہا ہے کہ اگلے ہفتے پنجاب اور خیبرپختونخواہ کی اسمبلیاں تحلیل کردیں گے۔

جہلم میں میڈیا سے گفتگو کرتے ہوئے فواد چوہدری نے کہا کہ آئندہ دو روز کابینہ کا اجلاس ہوگا، جس کے بعد ہمیں اسمبلی تحلیل کرنے کی تاریخ کا اعلان کرنا ہے۔

انہوں نے کہا کہ اگلے ہفتے اسمبلیاں تحلیل کردیں گے کیونکہ بیس مارچ سے پہلے کے پی اور پنجاب میں الیکشن کرانے ہیں، الیکشن اپنے پروگرام کے مطابق ہوں گے جس سے اب حکومت گھبرائی ہوئی ہے۔

فواد چوہدری نے کہا کہ ’یہ پہلے کہتے تھے اسمبلیاں توڑیں اور اب کیسٹ کی بدل گئی، رانا ثنا اور مریم اورنگزیب جو دل چاہیے کرلیں ہم الیکشن کرا کے رہیں گے‘۔

واضح رہے کہ پنجاب اور خیبرپختونخوا کے وزرائے اعلیٰ عمران خان کی ہدایت پر اسمبلیاں تحلیل کرنے کا اعلان کرچکے ہیں جبکہ پی ٹی آئی کی اعلیٰ سطح کی کمیٹی نے بھی بیس دسمبر تک اسمبلیاں تحلیل کرنے کی سفارش کی ہے جس کی حتمی منظوری عمران خان دیں گے۔

subscribe YT Channel install suchtv android app on google app store