سابق صدر آصف علی زرداری کی صاحبزادی بختاور بھٹو کا کہنا ہے کہ پاکستان پیپلز پارٹی 18 سال کی عمر میں شادی کرانے سے متعلق بل کو بلڈوز کردے گی۔
بختاور بھٹو نے اپنی ٹوئٹ میں کہا کہ 18 سال کی عمر میں شادی سے متعلق بل کا سندھ حکومت سے کوئی تعلق نہیں، پیپلز پارٹی اور سندھ حکومت اس بل کو بلڈوز کردے گی۔
خیال رہے کہ ایم ایم اے کے رکن سندھ اسمبلی عبدالرشید نے 18 سال کی عمر میں نوجوانوں کی شادی نہ کرنے کی صورت میں والدین پر جرمانہ کرنے کا بل سیکرٹری اسمبلی کے پاس جمع کرایا تھا۔ اس بل پر مختلف شعبہ ہائے زندگی سے تعلق رکھنے والے افراد تنقید کررہے ہیں۔
