وفاقی وزیر داخلہ محسن نقوی اور وزیر اعلیٰ بلوچستان میر سرفراز بگٹی کی زیر صدارت امن و امان سے متعلق خصوصی اجلاس ہوا۔ وفاقی وزیر داخلہ نے اجلاس میں اظہار خیال میں کہا کہ فتنہ الہندوستان کے دہشتگردوں کا انجام عبرتناک موت ہے۔
فتنہ الہندوستان کے دہشتگردوں کا انجام عبرتناک موت، بلوچستان کا امن خراب کرنے کی اجازت ہر گز نہیں دیں گے۔ سیاسی قیادت نے امن دشمنوں کو دو ٹوک پیغام، پہنچا دیا۔
وزیر داخلہ نے کہا، بھارتی سپانسرڈ دہشتگردوں اور ان کے سہولت کاروں کو انجام تک پہنچائیں گے، ہر قیمت پر امن قائم کریں گے۔
ریاستی رٹ چیلنج کرنے والوں کے ساتھ آہنی ہاتھوں سے نمٹا جائے گا،،دہشتگردی کے خلاف جنگ میں بلوچستان حکومت کیساتھ کھڑے ہیں۔
پاکستان دشمن عناصر کے لیے زمین تنگ کر دی گئی ہے،یہ جنگ سیکیورٹی فورسز کی نہیں، پوری قوم کی جنگ ہے۔
وزیر اعلیٰ سرفراز بگٹی نے امن و امان کی مجموعی صورتحال اور سیکیورٹی اقدامات پر بریفنگ دی۔
اجلاس میں انسپکٹر جنرل پولیس، آئی جی ایف سی نارتھ، ڈی آئی جی سی ٹی ڈی، ڈی آئی جی اسپیشل برانچ، ڈی جی لیویز شریک ہوئے۔
محکمہ داخلہ اور قانون نافذ کرنے والے اداروں کے اعلیٰ حکام بھی اجلاس میں موجود تھے۔
اجلاس میں فتنہ الہندوستان کے خلاف مختلف علاقوں میں سیکیورٹی فورسز کی کارروائیوں پر تفصیلی غور کیا گیا۔
صوبائی ایکشن پلان پر عمل درآمد اور اس میں درپیش رکاوٹوں کا جائزہ لیا گیا۔
سب ورژن اور دہشتگردی میں ملوث عناصر کے خلاف کارروائیاں مزید تیز کر دی گئی ہیں۔
بلوچستان میں امن کے قیام کے لیے ریاستی ادارے مکمل ہم آہنگی سے سرگرم ہیں۔
سیکورٹی فورسز اور عوام کی قربانیاں رائیگاں نہیں جائیں گی، ہر قیمت پر امن قائم کریں گے۔
