جڑواں شہروں میں ڈینگی کا راج، 180 نئے کیسز سامنے آگئے

جڑواں شہروں میں ڈینگی کا راج، 180 نئے کیسز سامنے آگئے فائل فوٹو جڑواں شہروں میں ڈینگی کا راج، 180 نئے کیسز سامنے آگئے

 جڑواں شہروں میں ڈینگی وائرس پھیلنے لگا، 24 گھنٹوں کے دوران مزید 180 افراد ڈینگی وائرس کا شکار ہوگئے۔

 راولپنڈی میں ڈینگی مچھر کے حملے اور ہسپتالوں میں مریضوں کی آمد جاری ہے، گزشتہ 24 گھنٹوں کے دوران ڈینگی کے 76 پازٹیو مریض سامنے آگئے جن کی محکمہ صحت نے تصدیق کی ہے۔

اسپتال ذرائع کے مطابق تین اسپتالوں کے 404 بیڈز پر 228 مریض داخل ہیں، بینظیر بھٹو جنرل ہسپتال میں 101 مریض موجود ہیں، ہولی فیملی میں 67، ڈسٹرکٹ ہیڈ کوارٹر ہسپتال میں 60 مریض داخل ہیں۔
ذرائع محکمہ صحت کے مطابق رواں سیزن میں اب تک ڈینگی مریض 1766 ہوچکے ہیں، کینٹ کے علاقوں میں ڈینگی کی شدت برقرار ہے، اکثریت مریضوں کا تعلق دھاماں سیداں، چک جلال دین سے ہے،اب تک ڈینگی سے دو مریض کی اموات ہوچکی ہیں۔

محکمہ صحت کے ذرائع کے مطابق متاثرہ علاقوں میں فوگنگ اسپرے اور لاروا سرویلنس کا عمل تیز کردیا گیا ہے۔

اسلام آباد میں 104 نئے کیسز سامنے آگئے

اسی طرح اسلام آباد میں بھی ڈینگی بے قابو ہوگیا، گزشتہ 24 گھنٹوں کے دوران 104 نئے کیسز سامنے آگئے۔

ڈی ایچ او کے مطابق شہری علاقوں میں 56 کیسز اور دیہی علاقوں میں 48 نئے کیسز سامنے آئے ہیں جس کے بعد ڈینگی کیسز کی مجموعی تعداد 1923 ہوگئی۔

ڈی ایچ او کے مطابق دیہی علاقوں میں ڈینگی کیسز کی تعداد 1150 ہوگئی، شہری علاقوں میں ڈینگی کیسز کی تعداد 773 ہے، اب تک ڈینگی سے 6 افراد جاں بحق ہوچکے ہیں، پمز اسپتال میں ڈینگی کیسز کی تعداد 292 ہے، پولی کلینک میں 80 اور کیپٹل اسپتال میں 40 مریض زیر علاج ہیں۔

 

subscribe YT Channel install suchtv android app on google app store