کیا آپ بھی تمباکو نوشی ترک کرنا چاہتے ہیں؟ جانیے تفصیلات میں

تمباکو نوشی فائل فوٹو تمباکو نوشی

ایسے افراد جوبنا کسی علاج کےتمباکو نوشی ترک کرنا چاہتے ہیں تو ان کے لئے اچھی خبر ہے کہ وہ لیموں کے جوس کے ساتھ اس بری عادت کو بہت کم وقت میں ترک کر سکتے ہیں۔

یہ بات تھائی لینڈ کی سریناخارینویروٹ یونیورسٹی کے شعبہ طب کے تحت کی جانے والی ایک تحقیق میں سامنے آئی ہے، جس میں نیکوٹین گم کے مقابلے میں لائم جوس کو سگریٹ نوشی کے خاتمے میں مدد کے طور استعمال کرنے کی تاثیر کا تجربہ کیا گیا۔

اس تحقیق میں 18 برس یا اس زائد عمر کے ایسے افراد کو شامل کیا گیا جو تمباکو نوشی کرتے تھے اور اس عادت سے چھٹکارے کے خواہشمند تھے۔

اس تحقیق میں شرکا کو دو گروپ میں تقسیم کیا گیا ہے ان میں 47 افراد کو تازہ لائم جوس جبکہ دوسرے گروپ کے 53 افراد کو نیکوٹین گم استعمال کروائی گئی جبکہ یہ تحقیق 9 سے 12 ہفتوں تک جاری رہی۔

واضح رہے کہ اس تحقیق میں ایسے افراد کو شامل نہیں کیا گیا تو سگریٹ کی عادت کو ترک کرنے کے دوسرے ذرائع کے استعمال کے ساتھ لائم جوس سے الرجی رکھتے تھے۔

اس تحقیق میں سگریٹ نوشی میں کمی تصدیق خارج ہونے والےکاربن مونو آکسائیڈ کی مقدارکی پیمائش کے بعد کی گئی۔ سگریٹ میں کمی کو بھی کئی دوسرے پیمانوں سے بھی جانچا گیا۔

لائم جوس نیکوٹین سے بھرپور گم کا ایک بے ضرر اور محفوظ متبادل ہے جو آسانی سے ہر جگہ دستیاب ہے۔ اس کے ان گنت فوائد میں ٹشوزکو الکلائن کرنا بھی شامل ہے جو عام طور پر تمباکو نوشی کرنے والوں میں زیادہ تیزابیت رکھتے ہیں۔

تحقیق کے دوران دونوں گروپ کا موازنہ کیا گیا ہے جس کے مطابق دونوں گروپ میں سگریٹ کی طلب میں کوئی خاص فرق نہیں پایا گیا لیکن 4 ہفتوں کے بعد لیموں کا رس استعمال کرنے والے اس کے مضر اثرات سے محفوظ رہے اوران کی طلب میں بھی کمی واقع ہوئی۔ تاہم یہ نیکوٹین گم کی طرح طلب کو کنٹرول نہیں کرتا بلکہ اس کے استعمال سے اس عادت کو ترک کرنے میں کسی حد تک مدد مل سکتی ہے۔

subscribe YT Channel install suchtv android app on google app store