پاکستان کے معروف یوٹیوبر اذلان شاہ کی دوسری شادی سے متعلق انسٹاگرام اسٹوری وائرل ہوگئی۔
انسٹاگرام پر اسٹوری شیئر کرتے ہوئے اذلان شاہ نے دوسری شادی سے متعلق اعلان کیا ہے۔
انہوں نے انسٹااسٹوری میں لکھا کہ 'ایک اہم چیز ہے جو میں آپ سب سے شیئر کرنا چاہتا ہوں، مجھے لگتا ہے کہ بطور معروف شخصیت یہ میری ذمہ داری ہے کہ میں اس بارے میں خود بات کروں، اس سے پہلے کہ آپ کو یہ چیز کسی اور کے ذریعے معلوم ہو'۔
یوٹیوبر کا کہنا تھا کہ 'یہ کافی عجیب ہے لیکن میں دوبارہ شادی کر رہا ہوں، میری اہلیہ نے اس حوالے سے رضا مندی دے دی ہے، اس لیے میری فیملی کو ان سب سے دور رکھیں، یہ میرا ذاتی معاملہ ہے'۔
اپنے پیغام کے اختتام میں انہوں نے اپنے مداحوں سے دعاؤں اور نیک تمناؤں کی درخواست بھی کی۔
یہاں یہ بات قابلِ ذکر ہے کہ یہ واضح نہیں آیا اذلان شاہ نے یہ اسٹوری سنجیدگی یا مذاق میں شیئر کی ہے یا ان کا اکاؤنٹ ہیک ہوا ہے۔
واضح رہے کہ یوٹیوبر اذلان شاہ معروف اداکار مرحوم شبیر رانا کے بیٹے ہیں، انہوں نے سوشل میڈیا انفلوئنسر ڈاکٹر وریشہ جاوید خان سے 2022 میں شادی کی تھی اور دونوں کی ایک 2 سالہ بیٹی ہے۔
