پاکستان کی نیشنل سائبر کرائم انویسٹی گیشن ایجنسی (این سی سی آئی اے) نے انکشاف کیا ہے کہ معروف یوٹیوبر ڈکی بھائی بیٹنگ ایپ کی پروموشن کے عوض 10 سے 20 ہزار ڈالر وصول کرتے تھے۔
غیر قانونی ایپس میں فاریکس ٹریڈنگ کی کئی نان ریگولیٹڈ ایپس بھی شامل ہیں جن کو اب بلاک کیا جائے گا۔
ادارے نے جوا کرانے والی 46 آن لائن ایپس کو غیر قانونی قرار دے کر ان کی فہرست بھی جاری کر دی ہے۔
بلاک ہونے والی ایپس میں شہریوں کی ذاتی معلومات اور موبائل نمبر کی تفصیلات دوسروں کو فراہم کر دینے والی ایپس بھی شامل ہیں۔
ان ایپس میں ایویئیٹر گیم، چکن روڈ، 1ایکس بیٹ، ڈیفا بیٹ، 22بیٹ، می لیٹ، پری میچ، بیٹ365، پلینکو، 10کریک، رابونا اور کیسو مو بھی شامل ہیں۔
این سی سی آئی اے کے مطابق پاکستان ٹیلی کمیونکیشن اتھارٹی ( پی ٹی اے ) کو تمام ایپس کی فہرست فراہم کر دی گئی ہے اور اب سائبر کرائم کی درخواست پر پی ٹی اے تمام غیر قانونی ایپس کو بند کرے گا۔
ایڈیشنل ڈائریکٹر این سی سی آئی اے سرفراز چوہدری نے بتایا کہ پاکستان میں 40 سے زیادہ جوئے کی ایپلی کشنز کے ذریعے اربوں روپے کا آن لائن جوا کھیلا جارہا ہے۔
ان ایپلی کیشنز کے ذریعے جوئے کوفروغ دینے والوں کی فہرست بھی تیار کرلی گئی ہے۔
معروف یوٹیوبر اور ٹک ٹاکر سعد الرحمان عرف ڈکی بھائی کو بھی ایسی ہی جوئے کی ایپلی کیشنز کے ذریعے جوئے کو فروغ دینے پر این سی سی آئی اے نے لاہور ائیر پورٹ سے بیرون ملک جاتے ہوئے گرفتار کیا تھا۔
ان یپلیکشنز کے ذریعے جوئے کو فروغ دینے والے درجنوں افراد اس کیس میں شامل تفتیش ہوچکے ہیں۔
ایڈیشنل ڈائریکٹر این سی سی آئی سرفراز چوہدری نے اس حوالے سے بھی بتایا۔
کہ ’یو ٹیوبرز یا سوشل میڈیا انفلوئنسرز کو بیرون ملک بیٹھے بکیے ملوث کرتے ہیں جس کی ایک چال ڈکی بھائی کی بھی ہے۔
ڈکی نے جوئے کو فروغ دینے کے حوالے سے درجنوں پروگرامز کیے جن کی تعداد 50 سے زائد ہے۔
باہر بیٹھے جورایوں سے ایک پروگرام کے 10 سے 20 ہزار ڈالرز وصول کرتا تھا۔
جو کہ ایک بہت بڑی رقم ہے،اس کے علاوہ بھی ڈکی بھائی بہت کچھ کر رہا تھا جس کی تفتیش جاری ہے۔
