اکتوبر کی فیول پرائس ایڈجسٹمنٹ کے تحت ملک بھر، بشمول کراچی، فی یونٹ بجلی 88 پیسے سستی کر دی گئی ہے۔ نیپرا نے اکتوبر کے لیے ماہانہ فیول پرائس ایڈجسٹمنٹ کا نوٹیفکیشن جاری کر دیا ہے، اور اس سے حاصل ہونے والا ریلیف صارفین کو دسمبر میں ملے گا۔
دوسری جانب، رواں مالی سال کی پہلی سہ ماہی (جولائی تا ستمبر) کی ایڈجسٹمنٹ کے تحت فی یونٹ بجلی 33 پیسے مہنگی کی گئی ہے۔
اس سہ ماہی ایڈجسٹمنٹ کا فیصلہ وفاقی حکومت کو بھجوایا گیا ہے اور نوٹیفکیشن جاری ہونے کے بعد یہ دسمبر تا فروری کے دوران لاگو ہوگا، جس کے تحت ہر ماہ فی یونٹ بجلی 33 پیسے مہنگی ہو گی۔
ذرائع کے مطابق ماہانہ ایڈجسٹمنٹ سے ڈسکوز کے صارفین کو تقریباً ساڑھے 8 ارب روپے کا فائدہ ہوگا، جبکہ سہ ماہی ایڈجسٹمنٹ سے صارفین پر مجموعی طور پر 6 ارب 6 کروڑ روپے سے زائد کا اضافی بوجھ پڑے گا۔
