عالمی منڈی میں قیمتوں کے اتار چڑھاؤ کے باعث پاکستان میں پیٹرولیم مصنوعات کی قیمتوں میں اضافہ متوقع ہے۔
گزشتہ 13 روز کے دوران عالمی منڈی میں خام تیل کی قیمتوں میں اضافہ دیکھا گیا۔
برطانوی برینٹ فی بیرل ایک ڈالر 60 سینٹ، برطانوی برینٹ کی فی بیرل ٹریڈ 65.85 ڈالر سے بڑھ کر 67.47 ڈالر پر پہنچ گئی۔
عالمی منڈی میں گزشتہ 13 روز کے دوران امریکی خام تیل ایک ڈالر 64 سینٹ مہنگا ہوکر فی بیرل ٹریڈ 61.98 ڈالر سے بڑھ کر 63.62 ڈالر پر پہنچ گئی۔
ملک میں پیٹرولیم مصنوعات کی قیمتوں میں ردو بدل 31 اگست کو کیا جائے گا، اوگرا پیٹرولیم قیمتوں کے تعین کی سمری 31 اگست کو حکومت کو بھجوائے گا۔
وزیر اعظم شہباز شریف کی جانب سے پیٹرولیم مصنوعات کی قیمتوں کی حتمی منظوری کے بعد وزارت خزانہ قیمتوں کا نوٹیفکیشن جاری کرے گا۔
