سعودی حکومت نے درآمدات کے حوالے سے قواعد و ضوابط کی وضاحت جاری کرتے ہوئے کہا ہے کہ درآمد کی جانے والی چیز کا بل، آرگنائزیشن اور فیکٹری سرٹیفکیٹ پیش کرنا لازمی ہے۔
اس حوالے سے سعودی کسٹم نے کا کہنا ہے کہ موٹر سائیکل درآمد کرنے کے لیے خاص ماڈل کی کوئی پابندی نہیں ہے، کسی بھی سال کی بنی ہوئی موٹر سائیکل درآمد کی جاسکتی ہے البتہ چیسس نمبر کے بغیر درآمد نہیں کی جاسکتی۔
سعودی کسٹم نے سرکاری ٹوئٹر اکاؤنٹ پر موٹر سائیکل درآمد کرنے کے ضابطوں کی وضاحت کرتے ہوئے بتایا کہ اگر موٹر سائیکل 150 سی سی سے کم کی ہے تو اسے درآمد کرنے کے لیے بل اور موٹر سائیکل بنانے والی فیکٹری کا سرٹیفکیٹ پیش کرنا ہوگا۔
اس کے علاوہ موٹر سائیکل 1500 سی سی سے زیادہ کی ہے تو ایسی صورت میں ایکسپورٹ سرٹیفکیٹ اور سعودی اسٹینڈرڈ آرگنائزیشن سرٹیفکیٹ منسلک کرنا لازمی ہوگا۔
سعودی کسٹم نے اپنے بیان میں مزید کہا ہے کہ چیسس نمبر کے بغیر موٹر سائیکل کو مملکت لانے کی اجازت نہیں دی جائے گی اور موٹر سائیکل پر کسٹم ڈیوٹی5فیصد مقرر کی گئی ہے۔
