Mon 20 November 2017

ٹرمپ کو پناہ گزینوں پر پابندی کا دائرہ وسیع کرنے کی اجازت مل گئی

امریکی  صدر ٹرمپ فائل فوٹو امریکی صدر ٹرمپ

امریکی عدالت نے صدر ٹرمپ کو مختلف ممالک سے آنے والے پناہ گزینوں پر پابندی کا دائرہ اختیار وسیع کرنے کی اجازت دے دی۔

غیر ملکی خبر ایجنسی کے مطابق ٹرمپ انتظامیہ نے فیڈرل اپیل کورٹ کے حکم کو سپریم کورٹ میں چیلنج کیا تھا جس پر عدالت عظمیٰ نے امریکا میں پناہ گزینوں کے داخلے پر پابندی کو محدود کرنے کا فیڈرل کورٹ کا حکم معطل کردیا اور صدر ٹرمپ کو پناہ گزینوں پر پابندی کا دائرہ اختیار وسیع کرنے کی اجازت دے دی۔

امریکی صدر نے اپنا منصب سنبھالنے کے بعد 6 مارچ کے حکم میں 6 بڑے مسلم ممالک کے پناہ گزینوں کے امریکا میں داخلے پر پابندی عائد کی تھی۔ ان ممالک میں لیبیا، صومالیہ، سوڈان، شام اور یمن شامل تھے۔

جب کہ امریکی صدر کے فیصلے کو اپیل کورٹ میں چیلنج کیا گیا تھا اور کورٹ نے اس حکم کو معطل کردیا تھا جس سے 24 ہزارپناہ گزینوں کی امریکا میں داخلے کی راہ ہموار ہوئی تھی۔

Leave a comment

Make sure you enter all the required information, indicated by an asterisk (*). HTML code is not allowed.