ایرانی سپریم نیشنل سکیورٹی کونسل کے سیکریٹری محسن رضائی نے واضح کیا ہے کہ ایران اپنے افزودہ یورینیم کا ایک ذرہ بھی ملک سے باہر منتقل کرنے کی اجازت نہیں دے گا۔ محسن رضائی کا کہنا تھا کہ افزودہ یورینیم ایران کے اندر ہی رہے گا اور اس کی بیرونِ ملک منتقلی کسی صورت قبول نہیں کی جائے گی۔
لبنانی میڈیا کو دیے گئے انٹرویو میں رضائی کا کا کہنا ہے کہ ایران کے جوہری پروگرام اور افزودہ یورینیم کے ذخیرے سے متعلق جاری کشیدگی کے تناظر میں سامنے آیا ہے۔ ایران اور امریکا کے درمیان جوہری معاملے پر اختلافات برقرار ہیں، جبکہ افزودہ یورینیم کے ذخیرے کا مستقبل مذاکرات میں ایک اہم موضوع ہے۔
تاہم محسن رضائی نے اپنے بیان میں کسی مخصوص معاہدے یا مذاکراتی تجویز کی تفصیلات نہیں بتائیں۔ ان کے اس مؤقف پر امریکا یا دیگر متعلقہ فریقوں کا ردعمل بھی تاحال سامنے نہیں آیا۔
