غزہ میں اسرائیلی مظالم کے خلاف دنیا بھر میں احتجاجی مظاہروں کا سلسلہ جاری ہے۔ برطانیہ میں ایک بینک کے اندر مظاہرین نے دھرنا دیا اور اسرائیل سے مالی تعلقات ختم کرنے کا مطالبہ کیا، ساتھ ہی حکومت سے اسرائیل سے تعلقات منقطع کرنے اور ہتھیاروں کی فراہمی بند کرنے کا کہا۔
بیلجیئم کے دارالحکومت برسلز میں بھی مظاہرین نے احتجاج کیا اور غزہ میں جبری قحط اور فلسطینیوں کی نسل کشی ختم کرنے کے نعرے لگائے۔
فن لینڈ کے دارالحکومت ہیلسنکی میں مظاہرین نے انسانی زنجیر بنا کر فلسطینی عوام کے ساتھ یکجہتی کا اظہار کیا۔
جنوبی کوریا میں اسرائیلی سفارتخانے کے باہر ریلی نکالی گئی، جہاں مظاہرین نے "فلسطین آزاد کرو" کے نعرے بلند کیے۔
اسرائیل میں بھی نیتن یایو حکومت کے خلاف احتجاج کیا گیا، دارالحکومت تل ابیب میں فوجی ہیڈکوارٹر کے باہر ہزاروں افراد جمع ہوکر غزہ میں فوری جنگ ختم کرنے کا مطالبہ کرتے رہے۔
