اسرائیلی جارحیت نے غزہ کو معصوم بچوں کا مقتل بنا دیا، 7 اکتوبر سے اب تک غزہ میں 3 ہزار 195 بچے شہید ہو چکے ہیں۔
عرب میڈیا کے مطابق 1 ہزار لاپتہ بچوں کے ملبے میں دبے ہونے کا خدشہ ہے۔
بچوں کے حقوق کے لئے سرگرم عالمی تنظمیم سیو دی چلڈرن کے مطابق غزہ میں شہید بچوں کی تعداد 4 سال کے دوران دنیا کے جنگ زدہ علاقوں میں مرنے والے بچوں سے زیادہ ہے۔
غزہ کے نہتے فلسطینیوں پر اسرائیل کے حملے جاری ہے، شہداء کی تعدار 8 ہزار سے تجاوز کر گئی ہے۔
یہ بھی پڑھیں: غزہ: القدس اسپتال کے اطراف اسرائیل کے میزائل حملے، فلسطینی شہداء کی تعداد9 ہزار سے تجاوز
دوسری جانب اسرائیل نے غزہ میں القدس اسپتال کو خالی کرنے کی ایک بار پھر دھمکی دی ہے، اسپتال کے نزدیک بمباری سے اندرونی حصے بھی متاثر ہوئے ہیں۔
عالمی ادارہ صحت نے خبردار کیا ہے کہ اسپتال خالی کرنا پڑا تو کئی جانیں چلی جائیں گی۔
متحدہ عرب امارات کی درخواست پر اقوام متحدہ کی سلامتی کونسل کا اجلاس آج ہو گا۔
