تھائی لینڈ: مال میں 14 سالہ لڑکے کی فائرنگ سے 3 افراد ہلاک، متعدد زخمی

تھائی پولیس کی جانب سے فیس بک پر جاری کردہ بیان میں کہا گیا ہے کہ سیام پیراگون مال میں ہونے والے واقعے ملوث 14 سالہ لڑکے کو گرفتار کیا گیا ہے اور اس سے پوچھ گچھ کی جا رہی ہے۔

سوشل میڈیا پر پھیلی غیر تصدیق شدہ ویڈیوز میں فائرنگ کے دوران افراتفری کے مناظر دکھائے گئے، بھگدڑ میں بچے بھی شامل تھے، لوگ مال کے دروازوں سے باہر بھاگ رہے تھے۔

تھائی لینڈ کے وزیر اعظم شریتھا تھاویسن نے شاپنگ سینٹر میں ہونے والے واقعے پر تشویش کا اظہار کیا۔

تھائی پولیس کے ترجمان نے بتایا کہ اب صورتحال قابو میں ہے اور اس علاقے کو گھیرے میں لے لیا گیا ہے۔

تھائی پولیس نے شاپنگ مال میں فائرنگ کرنے والے مسلح شخص کو گرفتار بھی کرلیا ہے اور واقعے کی مزید تحقیقات جاری ہیں۔