بھارت میں سرکاری ملازم نے پولیس کا چھاپہ پڑنے پر رشوت کے 5 ہزار روپے نگل لیے جس کی ویڈیو سوشل میڈیا پر وائرل ہوگئی۔
بھارتی میڈیا کے مطابق یہ واقعہ ریاست مدھیہ پردیش کے شہر جبل پور میں پیش آیا، جہاں اسپشل پولیس اسٹیبلشمنٹ کی ٹیم کو رشوت خورسرکاری ملازمین کے خلاف مہم کے دوران ایک شخص کی جانب سے گجندر سنگھ نامی سرکاری ملازم کے خلاف رشوت کا مطالبہ کرنے کی رپورٹ درج کروائی گئی۔
بھارتی میڈیا رپورٹ کے مطابق پولیس موقع پر پہنچی اور ملازم نے رشوت کے پیسے اپنے نجی دفتر میں وصول کیے تھے، اطلاع پر جیسے ہی پولیس پہنچی تو گجندر نے 5000 بھارتی روپے کھا لیے۔
Watch | Madhya Pradesh Official Swallows Bribe Money On Spotting Cops pic.twitter.com/HAWlGZuoGx
— NDTV (@ndtv) July 24, 2023
بعدازاں اسے اسپتال منتقل کیا گیا جہاں اس کو معائنے کے بعد صحت مند قرار دیا گیا۔
سرکاری ملازم گجندر سنگھ کے خلاف مقدمہ درج کرلیا گیا اور مزید تحقیقات جاری ہیں۔