سکھ نوجوانوں نے لندن میں بھارتی ہائی کمیشن کی عمارت سے بھارتی پرچم اتار کر خالصتان کا پرچم لہرا دیا جس کی ویڈیو سوشل میڈیا پر وائرل ہوگئی۔
ویڈیو میں سکھ نوجوانوں کو بھارتی پرچم اتار کر خالصتان کا پرچم لگاتے دیکھا جا سکتا ہے۔ اس دوران ہاتھوں میں خالصتان کا پرچم اٹھائے نوجوان بھارت کے خلاف اور خالصتان کے حق میں نعرے لگاتے رہے۔بھارتی سفارتی اہلکار کی بھارت کا جھنڈا اتارنے اور خالصتان کا پرچم لہرانے سے روکنے کی کوشش ناکام ہوگئی۔
لندن: سکھوں نے انڈین ہائی کمیشن لندن پر خالصتان کا پرچم لہرا دیا
— Sadia Abbasi (@SadiaAbbasii) March 20, 2023
آج آسٹریلیا میں بھی خالصتان ریفرنڈم کی ووٹنگ ہو رہی ہے
بھارتی ہائی کمیشن سے ترنگا اتارنے کا مقصد بھارتی پنجاب میں امرت پال سنگھ کی گرفتاری اور برسبن میں ریفرنڈم سے اظہار یکجہتی تھا @Khalsa_Kashmir @IndianExpress pic.twitter.com/2TagvzbMXV
لندن میں مقیم سکھ برادری کے مطابق بھارتی ہائی کمیشن پر بھارتی پرچم اتار کر خالصتان کا جھنڈا لہرانے کا مقصد بھارتی پنجاب میں خالصتان تحریک کے حامی امرت پال سنگھ اور ان کے 6 ساتھیوں کی گرفتاری کیخلاف احتجاج اور آسٹریلیا میں خالصتان کے بارے میں ہونے والے ریفرینڈم سے اظہار یکجہتی تھا۔ آسٹریلیا میں آج خالصتان پر ووٹنگ ہورہی ہے۔
واقعے پر بھارتی حکومت نے دلی میں تعینات برطانوی ڈپٹی ہائی کمشنر کو طلب کرلیا اور شدید احتجاج ریکارڈ کرایا۔
سکھوں کی تنظیم دل خالصہ نے بھارتی جھنڈا اتارکر خالصتان کا پرچم لگانے کی ذمہ داری قبول کرلی جب کہ اس دوران پولیس نے دل خالصہ کے ایک کارکن کو گرفتار کرلیا۔
