روسی وزیر دفاع سرگئی شوئیگو نے امریکی ہم منصب جنرل (ر) لائیڈ آسٹن سے ٹیلیفون پر رابطہ کر کے یوکرین کی صورتحال پر تبادلہ خیال کیا گیا۔
عالمی میڈیا رپورٹس کے مطابق وزیر دفاع سرگئی شوئیگو نے امریکی ہم منصب جنرل (ر) لائیڈ آسٹن سے بات چیت کی۔
ماسکو سے روسی وزارت دفاع کا کہنا ہے کہ روسی اور امریکی وزراء دفاع کے درمیان یوکرین کی صورتحال پر تبادلہ خیال ہوا۔ روسی وزارت دفاع کا مزید کہنا تھا کہ روسی وزیر دفاع کا امریکی وزیر دفاع سے تین روز میں یہ دوسرا رابطہ ہے۔
آج روسی وزیر دفاع نے برطانوی، فرانسیسی اور ترک ہم منصبوں سے بھی بات کی۔ روسی وزارت دفاع کے مطابق ترک، برطانوی اور فرانسیسی وزراء دفاع سے بات چیت میں یوکرین کے معاملے پر بات چیت ہوئی۔
