انکم ٹیکس کی کاروائی، فارماسیوٹیکل کمپنی کی الماریوں سے نوٹوں کی بے شمار گڈیاں برآمد

الماریوں سے نوٹوں کی بے شمار گڈیاں برآمد فائل فوٹو الماریوں سے نوٹوں کی بے شمار گڈیاں برآمد

بھارتی شہر حیدر آباد میں محکمہ انکم ٹیکس نے ایک فارماسیوٹیکل کمپنی پر چھاپہ مارا تو الماریوں سے نوٹوں کی بے شمار گڈیاں برآمد ہوئیں۔

بھارتی میڈیا کے مطابق ریاستی انکم ٹیکس ڈپارٹمنٹ نے ایک بڑی فارماسیوٹیکل کمپنی میں چھاپہ مار کارروائی کی تو وہاں سے بھاری تعداد میں نقد رقم برآمد ہوئی۔

انکم ٹیکس نے نوٹوں سے بھری ہوئی الماریاں برآمد کیں جس میں رکھی رقم کی مالیت 550 کروڑ بھارتی روپے تھی۔

انکم ٹیکس ڈپارٹمنٹ کی جاری کردہ پریس ریلیز کے مطابق مذکورہ کمپنی اپنی بنائی گئی پروڈکٹس امریکا، یورپ، دبئی اور افریقی ممالک کو ایکسپورٹ کرتی ہے۔

گو کہ محکمے نے کمپنی کا نام ظاہر نہیں کیا تاہم میڈیا رپورٹس کے مطابق اس کمپنی نے گزشتہ برس ریمیڈسویئر انجکشن کا جنیرک ورژن لانچ کیا تھا، یہ انجکشن کووڈ 19 کے مریضوں کے علاج میں استعمال کیا جاتا ہے۔

چھاپہ مار کارروائی کے بعد سوشل میڈیا پر ایک تصویر وائرل ہورہی ہے جس میں ایک الماری میں نوٹ ہی نوٹ بھرے دکھائی دے رہے ہیں۔

سوشل میڈیا صارفین نے اس تصویر پر دلچسپ ردعمل کا اظہار کیا۔

install suchtv android app on google app store