فلسطین میں اسرائیلی فوج کی بربریت، اسرائیلی پولیس نے فلسطینی خاتون کو شہید کردیا

فلسطین میں اسرائیلی فوج کی بربریت، اسرائیلی پولیس نے فلسطینی خاتون کو شہید کردیا فائل فوٹو فلسطین میں اسرائیلی فوج کی بربریت، اسرائیلی پولیس نے فلسطینی خاتون کو شہید کردیا

فلسطین میں اسرائیلی فوج کی بربریت ختم نہ ہوسکی، اسرائیلی فوج نے آج خاتون سمیت مزید دو فلسطینیوں کو شہید کردیا۔ مسجد اقصیٰ کے پاس فائرنگ کر کے فلسطینی خاتون کو شہید کیا گیا۔ اسرائیلی پولیس نے دعویٰ کیا ہے کہ خاتون نے افسران کو چاقو مارنے کی کوشش کی تھی۔ پولیس نے بتایا کہ خاتون نے تیز دھار آلے کی مدد سے مسجد اقصیٰ کی طرف جانے والی ایک گلی میں پولیس پر وار کرنے کی کوشش کی۔

فرانسیسی خبر رساں ادارے (اے ایف پی) کے ایک صحافی نے گولیوں کی آواز سنی اور ایک خاتون کی لاش کو زمین پر دیکھا۔

دوسری جانب مغربی کنارے کے گاؤں برقین میں چھاپے کے دوران فلسطینی نوجوان کو شہید کیا گیا۔

خیال رہے کہ اتوار کو بھی اسرائیلی فوج نے مغربی کنارے میں 5 فلسطینیوں کو شہید کیا تھا۔

subscribe YT Channel install suchtv android app on google app store