بھارت میں کورونا کی صورتحال ابتر ہو گئی، دارالحکومت دہلی کا ملٹری اسپتال مریضوں سے بھر گیا۔
بھارتی میڈیا کے مطابق دہلی حکومت کی جانب سے دہلی کنٹونمنٹ ملٹری اسپتال میں آکسیجن کی قلت کے باعث فوجیوں کی زندگیاں خطرے میں پڑ گئیں۔
دہلی حکومت بھی بھارتی فوج کی ضرورت پوری کرنے میں ناکام ہوگئی۔ حکومت کی جانب سے اسپتال کے لیے مختص آکسیجن کوٹہ میں کمی کر دی اور اس کٹوتی کی وجہ سے جوانوں کی زندگیاں داؤ پر لگ گئی ہیں۔
فوج نے اس گمبھیر صورتحال میں فوری طور پر اپنی ضررویات کو پورا کرنے کے لیے وزارت دفاع، انتظامیہ اور متعلقہ اداروں سے رابطہ کیا اور شہروں سے آکسیجن سلینڈرز کی خریداری شروع کر دی ہے۔
بھارتی فوج میں روز 200 جوان کورونا کا شکار ہونے لگے اور 650 بستر پر مشتمل آرمی اسپتال میں گنجائش ختم ہو گئی ہے
دہلی کے نائب وزیر اعلیٰ نے مرکزی حکومت سے ملٹری بیس کی ضروریات پوری کرنے کے لیے فوری طور پر 10 ہزار آکسیجن بیڈز اور 1 ہزار آئی سی یو سہولیات فراہم کرنے کی درخواست کی ہے۔