اگر آپ جی میل استعمال کرتے ہیں تو یہ کوئی حیرت کی بات نہیں، کیونکہ گوگل کی یہ خط رسانی کی خدمت دنیا بھر میں سب سے زیادہ مقبول ہے۔ تاہم، جی میل صارفین کو ایک عام مسئلے کا سامنا رہتا ہے خبری خطوط اور تشہیری خطوط کی بھرمار۔
اکثر ایسا ہوتا ہے کہ مختلف ویب سائٹس پر وزٹ کرتے ہوئے صارفین بے خیالی میں اپنا خطی پتہ درج کر دیتے ہیں، جس کے نتیجے میں ان کے ان باکس میں متعدد غیر ضروری خطوط آتے رہتے ہیں۔
مگر خوش آئند بات یہ ہے کہ جی میل میں ایک نہایت مفید سہولت موجود ہے جو ان باکس کو صاف رکھنے اور ایسی ناپسندیدہ خطوط سے نجات دلانے میں مدد فراہم کرتی ہے۔
یہ سہولت کافی عرصے سے جی میل کا حصہ ہے، مگر زیادہ تر صارفین یا تو اس کے بارے میں نہیں جانتے یا پھر اسے استعمال ہی نہیں کرتے۔
سبسکرپشن کا انتظام کے نام سے موجود اس سہولت کے ذریعے صارفین اپنی تمام خطی سبسکرپشنز ایک ہی جگہ دیکھ سکتے ہیں اور چند کلکس میں انہیں ختم کر سکتے ہیں۔
اس سہولت سے قبل جی میل میں سبسکرائب ختم کرنے کا آپشن موجود تو تھا، مگر ہر خبری خط سے الگ الگ سبسکرائب کرنا پڑتا تھا، جو وقت طلب عمل تھا۔
تو اس فیچر کو کیسے استعمال کریں؟
آئی فون یا اینڈرائیڈ فون پر جی میل ایپ کو اوپن کریں اور بائیں جانب مینیو بار پر کلک کرکے نیچے منیج سبسکرپشنز آپشن پر کلک کریں۔
اسی طرح ویب براؤزر پر جی میل اوپن کرکے بائیں جانب مور آپشن پر کلک کرکے منیج سبسکرپشنز میں جائیں۔
یہ فیچر ابھی ویب براؤزر پر تو تمام صارفین کو دستیاب ہے جبکہ موبائل ایپ میں محدود ممالک میں اسے استعمال کیا جاسکتا ہے۔
منیج سبسکرپشنز سیکشن میں جانے کے بعد آپ کے سامنے ان تمام نیوز لیٹرز کی لسٹ آجائے گی جو آپ سبسکرائب کر چکے ہیں۔
ہر سبسکرائبر نام پر کلک کرکے آپ اس کی تمام ای میلز کو دیکھ سکیں گے جبکہ نام کے برابر میں ان سبسکرائب کا آپشن بھی موجود ہوگا۔
جب آپ ان سبسکرائب بٹن پر کلک کریں گے تو جی میل کی جانب سے پوچھا جائے گا کہ کیا آپ اس سینڈر کی ای میلز کو روکنا چاہتے ہیں؟
جب آپ ان سبسکرائب آپشن پر کلک کریں گے تو سینڈر کو ایک ای میل بھیج کر آپ کی ان سبسکرائب کرنے کی درخواست کے بارے میں بتایا جائے گا۔
اب یہ سینڈر پر ہوتا ہے کہ وہ کب تک آپ کی درخواست کو قبول کرتا ہے مگر اس وقت تک اس کی بھیجی جانے والی تمام ای میلز براہ راست اسپام فولڈرز میں جاتی ہیں۔
