جدید فیچرز سے لیس اوموڈا ای 5 الیکٹرک ایس یو وی پاکستان میں متعارف

متعارف کرائی گئی الیکٹرک ایس یو وی "اوموڈا ای 5" کی لمبائی 4424 ملی میٹر، چوڑائی 1830 ملی میٹر اور اونچائی 1588 ملی میٹر ہے جبکہ وہیل بیس 2630 ملی میٹر ہے۔

اس میں "فالو می ہوم" فنکشن کے ساتھ خودکار ہیڈلائٹس نصب ہیں۔ اس میں ایل ای ڈی ہیڈلائٹس، ٹیل لائٹس، رئیر فوگ لائٹس اور ہائی ماؤنٹڈ اسٹاپ لائٹ شامل ہیں۔

کار میں ایل ای ڈی فرنٹ فوگ لائٹس، شارک فن اینٹینا، روف ریلز، روف اسپوائلر اور بوٹ لِڈ اسپوائلر بھی موجود ہیں۔ بارش کا احساس کرنے والے فرنٹ وائپرز، رئیر وائپر اور ونڈ شیلڈ ڈیفروستر بھی دیے گئے ہیں۔

اس کے علاوہ پاور ایڈجسٹ ایبل سائیڈ مررز، فولڈنگ سائیڈ مررز اور ٹیل گیٹ بھی لگائے گئے ہیں۔

گاڑی میں پانچ سیٹیں ہیں اور 8 اسپیکر سونی ساؤنڈ سسٹم (چار اسپیکر اور چار ٹویٹرز) موجود ہے۔

اس کے علاوہ اے ایم/ایف ایم ٹونر، بلوٹوتھ، 50 واٹ وائرلیس ڈیوائس چارجنگ، فرنٹ میں یو ایس بی ٹائپ A اور C (چارجنگ اور ڈیٹا کے لیے) اور پچھلے حصے میں یو ایس بی ٹائپ A اور C (چارجنگ کے لیے) دیے گئے ہیں۔

اسٹوریج باکس اور اے سی وینٹ کے ساتھ فرنٹ سینٹر کنسول آرمریسٹ، چاروں دروازوں میں بوتل رکھنے کی جگہ (دو سامنے اور دو پیچھے) اور دیگر جدید سہولیات بھی شامل ہیں۔

موٹر کی قسم پرماننٹ میگنیٹ سنکرونس ہے جس کی زیادہ سے زیادہ طاقت 150 کلو واٹ اور زیادہ سے زیادہ ٹارک 340 نیوٹن میٹر ہے۔ اس موٹر کی زیادہ سے زیادہ ہارس پاور 204 ہے۔

گاڑی میں لیتھیم آئرن فاسفیٹ (LiFePO4) قسم کی بیٹری نصب ہے جس کی گنجائش 61 کلو واٹ آور ہے۔ چارجنگ پورٹ گاڑی کے فرنٹ گرِل پر رکھا گیا ہے۔

اس میں ایمرجنسی اسٹاپ سگنل، تمام سیٹوں کے لیے سیٹ بیلٹ ریمائنڈر، پیچھلے دروازوں پر چائلڈ سیفٹی لاکس، سامنے اور پیچھے پارکنگ سینسرز، ڈرائیور اور سامنے کے مسافر کے لیے دو ایئر بیگز، ریورس کیمرہ اور 360 ڈگری اراؤنڈ ویو مانیٹر بھی موجود ہیں۔

ایس یو وی "اوموڈا ای 5" کی قیمت ایکس شوروم 8,990,000 روپے مقرر کی گئی ہے، جبکہ بکنگ کے لیے 1,700,000 روپے ادا کرنے ہوں گے۔ گاڑی کی ڈیلیوری کا اندازہ تقریباً 2.5 مہینے ہے۔