ایلون مسک کا ٹوئٹر کی سربراہی چھوڑنے کا مشروط اعلان

ایلون مسک فائل فوٹو ایلون مسک

ٹوئٹر کے نئے مالک ایلون مسک نے سربراہی چھوڑنے کے حوالے سے سروے کے نتائج اپنے خلاف آنے کے بعد باگ دوڑ چھوڑنے کے لیے ایک عجیب وغریب شرط عائد کردی ہے۔

ایلون نے دو روز قبل ایک سروے صارفین کے سامنے رکھتے ہوئےپوچھا تھا کہ ، ’کیا مجھے ٹوئٹرکے سربراہ کی حیثیت سےعہدہ چھوڑنا چاہیے؟ میں اس سروے کے نتائج پرعمل کروں گا‘۔

اس ٹوئٹر پول پر تقریباً ایک کروڑ سے زائد صارفین نے اثبات میں جواب دیا کہ ایلون مسک کو یہ کرگزرنا چاہیے۔

تاہم ’وہ وعدہ ہی کیا جو وفا ہوجائے‘ کے مصداق 57 فیصد سے زائد ’ہاں‘ کے باوجود ایلون نے بجائے سربراہی چھوڑنے کے ایک شرط رکھ دی ہے۔

ایلون مسک کا کہنا ہے کہ انہیں اگر کوئی ایسا احمق شخص ملاجو ٹوئٹر کاچیف ایگزیکٹوبننا چاہے گا تو وہ یہ عہدہ چھوڑ دیں گے۔

دنیا کی امیرترین شخصیت ہونے کے اعزاز سے حال ہی میں ہاتھ دھونے والے ایلون نے مستقبل کے عزائم بھی بتا دیے۔

ایلون مسک کا کہنا ہے کہ اپنا عہدہ چھوڑنے کے بعد وہ سافٹ ویئر اور سرور ٹیم چلائیں گے۔

install suchtv android app on google app store