کرکٹ ورلڈ کپ کا جنوبی افریقا اور ویسٹ انڈیز کے درمیان 15 واں میچ مسلسل بارش کے باعث منسوخ کردیا گیا جس کے بعد دونوں ٹیموں کو ایک ایک پوائنٹ دے دیا گیا۔
آئی سی سی ورلڈکپ کے 15ویں میچ میں ویسٹ انڈیز کے کپتان جیسن ہولڈر نے ٹاس جیت کر پہلے فیلڈنگ کرنے کا فیصلہ کیا ہے۔ جنوبی افریقا کی جانب سے ہاشم آملہ اور ڈی کوک نے اننگز کا آغاز کیا، ہاشم آملہ صرف 6 رنز کے مہمان ثابت ہوئے۔
It's bad news from the Hampshire Bowl as today's match has now been abandoned ?️
— Cricket World Cup (@cricketworldcup) June 10, 2019
South Africa and West Indies will pick up a point apiece. pic.twitter.com/FDoGt4zf5U
میگا ایونٹ میں ویسٹ انڈیز نے ایونٹ میں اب تک 2 میچز کھیلے جن میں وہ ایک میں کامیاب اور ایک میں ناکام رہے ہیں تاہم جنوبی افریقا کو تینوں میچز میں ناکامی کا سامنا کرنا پڑا ہے۔
جنوبی افریقی ٹیم میں کپتان فاف ڈپلسی، کوئنٹن ڈی کوک، ہاشم آملہ، ایڈن مارکرم، ڈیوڈ ملر، ایندلے پھلکوایو، کرس مورس، کگیسو رابادا، بیرن ہینڈرکس اور عمران طاہر شامل ہیں۔
ویسٹ انڈیز ٹیم کی کپتانی جیسن ہولڈر کررہے ہیں جب کہ دیگر کھلاڑیوں میں کرس گیل، ڈیرن براؤ، شائے ہوپ، نکولس پورن، شمرون ہیٹمیر، کپتان جیسن ہولڈر، کیمر روچ، کارلوس بریتھ ویٹ، ایشلے نرس، شیلڈن کوٹریل اور اوشانے تھومس شامل ہیں۔
