3 میچز پر مشتمل ون ڈے سیریز کے دوسرے میچ میں پاکستان نے سری لنکا کے خلاف ٹاس جیت کر پہلے فیلڈنگ کا فیصلہ کیا ہے۔ راولپنڈی کرکٹ اسٹیڈیم میں کھیلے جانے والے اس میچ میں سری لنکن ٹیم پہلے بیٹنگ کرے گی۔
آج کے میچ میں کپتانی شاہین شاہ آفریدی کے بجائے سلمان علی آغا کریں گے، کیونکہ شاہین کی طبیعت ناساز ہونے کی وجہ سے وہ آج پلیئنگ الیون کا حصہ نہیں ہیں۔
میچ کے لیے وسیم جونیئر کو پلیئنگ الیون میں شامل کیا گیا ہے۔
واضح رہے کہ پاکستان نے سیریز کے پہلے میچ میں سری لنکا کو 6 رنز سے شکست دی تھی۔
