قومی بلے باز آصف علی نے انٹرنیشنل کرکٹ سے ریٹائرمنٹ کا اعلان کر دیا ہے۔ سماجی رابطے کے پلیٹ فارم ایکس پر اپنے بیان میں آصف علی نے کہا کہ پاکستان کی جرسی پہننا ان کی زندگی کا سب سے بڑا اعزاز رہا ہے۔
انہوں نے مداحوں، ساتھی کھلاڑیوں اور کوچز کا شکریہ ادا کیا اور بتایا کہ وہ کلب اور لیگ کرکٹ کھیلتے رہیں گے۔
آصف علی نے اہل خانہ اور دوستوں کا بھی شکریہ ادا کیا، جنہوں نے خاص طور پر ورلڈ کپ کے دوران اپنی پیاری بیٹی کے انتقال جیسے دکھ بھری حالات میں انہیں سنبھالا اور آگے بڑھنے کی ہمت دی۔
آصف علی نے کہاکہ وہ انشااللہ اپنے شوق کو جاری رکھتے ہوئے ڈومیسٹک اور لیگ کرکٹ کھیلتے رہیں گے۔
واضھ رہے کہ آصف علی نے پاکستان کی نمائندگی 21 ایک روزہ اور 58 ٹی20 میچز میں کی، جبکہ اپنا آخری انٹرنیشنل میچ 2023 میں کھیل چکے ہیں۔
