پاکستانی کھلاڑی اشعب عرفان نے امریکا میں منعقدہ جونز کریک اوپن اسکواش ٹورنامنٹ اپنے نام کر لیا۔
12 ہزار ڈالرز انعامی رقم والے ٹورنامنٹ کے فائنل میں پاکستان کے اشعب نے ملائیشین پلیئر کو شکست دی۔
ملائیشین پلیئر نیتھن کیوے کے خلاف اشعب عرفان نے 40 منٹ میں 1-3 سے فتح حاصل کی۔
پاکستانی پلیئر نے پہلا گیم ہارنے کے بعد کم بیک کرکے مسلسل 3 گیمز جیتے۔
نیتھن کے خلاف فائنل میں اشعب کی جیت کا اسکور 8-11،11-2، 11-2 اور 11-6 رہا۔
واضح رہے کہ یہ رواں سال اشعب عرفان کا تیسرا پی ایس اے ٹائٹل ہے۔
